مستر بيست Mr. Beast.. اللي كان لسه عندنا في الهرم.. بيسوق لتحدي مغرق الصحف والميديا حاليا.
١٠٠ رجل يواجهوا ذكر غوريللا بالغ في معركة...
وممنوع الأسلحة.. سواء نارية أو بيضاء.
طبعا الفكرة حتفضل مجرد فكرة دعائية أطلقها مستر بيست. لأن السلطات مش حتسمح بيها.
الخبراء اللي بيعلقوا على التحدي بيقدروا ان ذكر الغوريللا حيقتل ويسبب اعاقات لحوالي ٣٠ رجل في أول ٣ إلى ٤ دقايق.. وحيقدر بإيديه العارية يقتل ٨٧ رجل.. قبل ما يبدأ يحس بالتعب من الأساس.
كتلة عضلات وزنها بيوصل لربع طن. بتقدر تشيل ٣ أضعاف وزنها.
يعني تقدر ترفع عربيتك وانت جواها. ولو جرى ذكر الغوريللا بسرعته وخبط في عربة قطار يقدر يطلعها برا القضبان.. وبنفس الحركة يقدر يقلب شاحنة.
قوة اللكمة او اللطمة بتاعت ذكر الغوريللا بتوصل لطن ونص.. وعضته من أقوى العضات في عالم الحيوان.. وبتوصل الى ٣٥٠٠ نيوتن على كل بوصة مربعة.. بعني تحطم أي عضمة في جسمك بسهولة.
عشان كده بتلاقي الغوريللات في الدغل عايشة في سلام وهدوء في حالها.. والوحوش والسباع ما بتفكرش تقرب منها.
ويبقى السؤال.
يا ترى ١٠٠ رجل مجتمعين يقدروا ينتصروا على ذكر غوريللا؟
الحقيقة مش عارف. عمري ما قاتلت ١٠٠ رجل مع بعض مرة واحدة.
#awareness
