لسه مع الحرب على الذكورة. الحرب على مستر T..
وكلمة الذكوري اللي بقت شتيمة.. لما تتقال لرجل ذكر بالغ.. باعتبار ان الرجل المفروض يبقى انوثي مش ذكوري!
الحرب الرهيبة على مستر T.. واللي الستات بتشمه في فيرمونات الرجال.. حتى وان كانت الفيرمونات رائحتها لا يدركها الانف البشري.
والمستحضرين اللي ركنوا اليهم.. في الحرب على التستوستيرون.
لكن قبل ما نعرف المستحضرين النهاردة.. لازم نعرف ازاي الست بترصد الرجل القوي.. الصالح لانها تحمل وتنقل جيناته لجيل آخر.
لازم نعرف ايه هو الفيرمون.
هو مركب كيميائي شديد التعقيد.. بيفرزه الجسم البشري عبر الانفاس والجلد والعرق.. بيحمله الهواء.. وبيقدر يتصرف كهرمون.. خارج الجسد.
الحقيقة الرجالة والستات بيرصدوا فيرموناتهم وفيرمونات بعضهم البعض طوال الوقت. الانف البشري عاجز عن تمييز الرائحة.. لكن المخ قادر على ذلك.
الفيرمونات مش متعلقة بالجنس فحسب وموجودة في الحشرات والحيوانات والبشر وحتى النبات. في فيرمونات تحذيرية.. بتفرزها النباتات لو هاجمها حيوان او اصابها مرض.. في فيرمونات بيفرزها جسم النمل والنحل لو اتهاجموا من مفترس.. دا بينبه الباقين.. ويحفزهم للقتال.
الذئاب بتعوي محذرة لو حست بيك في ارضها.. ولو اقتربت اكتر بتصمت.. وتترقبك وتستعد للانقضاض.. وهي في الآن نفسه، بتحذرك بفيرمونات خاصة.. ان اقتحام ارضها يساوي حياتك.
في فيرمونات بتفرزها اجساد البشر والحيوانات اذا ما تأهبت للقتال.. حتى لو بدت صامتة هادئة.
علشان كده انت كرجل ممكن تقعد معايا وانا مبتسم لك مثلا وبعاملك بهدوء بالغ.. بينما ان بتحس بشكل ما اني ناوي على شر.. وبتكون على حق.. وبالفعل بقوم وبحطم عظامك.. او بتقدر تصد هجومي.. بعدما تنبأت به.. وانت مش فاهم ازاي.
ممكن تقعد مع شخص متعرفوش لاول مرة وتقول ان دا دا شخص خطر مخيف.. من غير ما تعرف السبب.. حتى لو كان لطيف للغاية معاك.
في فيرمونات بتدي اشارة الخوف.. كام مرة سمعت وانت صغير ان "الكلاب بتشم خوفك".. ومكنتش فاهم ازاي؟
لما بيلتقي رجل بامرأة.. كل منهم بيشم فيرمونات الآخر.
الحساسات اللي بتستقبل دا عند المرأة اكثر تميزا عن الرجل.. عشان كده هي بتحس بان الرضيع صحي وحيقع من سريره وهي في غرفة تانية.. وانك جعان وانك غاضب او متضايق او مبسوط بزيادة.. وحتى انك بتخونها.. وانت صامت تماما من غير ما تتكلم.
الرجل عنده مزايا تطورية تانية للشعور بالخطر قبل اقترابه.. دي مزايا الخالق اراد بها انه يستشعر الخطر اللي بيقترب من المرأة والاطفال عن بعد.. ويعمل على حمايتهم.
ما سبق لسه قيد الدراسة لان الموضوع معقد جدا.. الست بتشم فيرمونات الرجل.. وبتقدر منها تستشعر مقدار ما يجري في دمه من التستوستيرون.. وعليه.. دا يصلح شريك للتزاوج او لا.
خد بالك من التستوستيرون الصناعي هنا. بينما التستوستيرون في دمي ودمك ممكن يتراوح من ٨٥٠ الى ١٠٠٠.. في الجماعة اللي بتاخده حقن هو بيقفز لأضعاف دا.. ودا عند الست زي التستوستيرون المنخفض بالضبط.
ليه؟ لان التستوستيرون لو مرتفع بشكل رباني بالرياضة والحياة الجيدة والاكل المغذي.. فهو مش حيزيد عن حدود قصوى معينة. ولو زاد عنها المخ بيدي أوامر فورية للكليتين وبقية الاعضاء يتخلصوا من الباقي.
ليه برضه؟ لان التستوستيرون على مزاياه.. فلو زاد عن حدود قصوى معينة.. فهو كارثة.. وسم مدمر قاتل.
تماما كأكسير الحياة.. الماء.. اللي بكميته المضبوطة صحتك ممتازة.. ولو شربت كميات كبيرة جدا في وقت محدود.. يسممك فعليا.. يقتلك.
التستوستيرون بجرعته الصناعية الزايدة الهائلة.. بيعمل كمثبط مناعي.. بيخلي المناعة ضعيفة.. بيتلف الاربطة والغضاريف.
بما فيها غضاريف القضيب.
عشان كده عندهم بينكمش ويضمر.
انت سمعت كتير عن فضائح جنسية وخيانات لرياضيين طبيعيين في كل الالعاب.
كام مرة سمعتها عن لاعب كمال اجسام محترف عايش على الهرمون؟
صح؟
دا مش عشان هم من آل البيت.. ولا كلهم مخلصين اوفياء عبر تاريخ الرياضة.
لكن لان هو عبر الوقت بيبقى ميح.
مفيش.
كمان الهرمون الصناعي بكميته الرهيبة بيضعف ويتلف الكبد ويدمر الاجهزة الداخلية وصمامات القلب.
بالتالي ابو تستوستيرون ٣٠٠٠ و٤٠٠٠ دا مش ذكر قوي صالح للتكاثر.
دا "يبدو" قوي.. لكن في جوهره هو هيكل هش ينتظر الانهيار في اي لحظة. حادث ينتظر الوقوع.. في اي لحظة من حياته.
حياته القصيرة.
عشان كده انت بتستغرب لما تشوف الستات بتنفر من الرجال اصحاب الكتلة العضلية الهائلة اللي اتعملت بالهرمون.
بالعكس بيشوفوها مقرفة. وبتعجبهم الكتلة العضلية الطبيعية ولو كانت اقل.
دا بيبقى دروس حفظها مخها لاشخاص قابلتهم كده في الطبيعة وسجل مخها التحليل دا من غير ما تحس. اشخاص قابلتهم واستشعرت فيرموناتهم.
طيب الستات بتختار الرجل ذو التستوستيرون المضبوط.. وبيتكاثر.
اصحاب الحرب على مستر T مش عايزين ده.
عايزينها تختار الرجل الطري.. الهش الضعيف العصبي الجبان.. ميحميهاش وقت الخطر. يخاف منها وتصرف عليه ويخلف ويرمي عياله ويهرب.
عايزينها تبقى رجل في جسم ست.. وهو ست في جسد رجل.
كائن خانع مالوش في المسؤولية. وفي المقابل مش حيقودها في اي شيء ولا يعرف هي خارجة رايحة فين.
حيكون متقبل تماما انها سهرانة في كافيه او بار مع صديق رجل يخصها.
مايعرفش يقول لها "لا" قاطعة تطاع.
بالتالي عمره ما حيعرف يقول لا.. في وجه الفساد والجريمة والخطأ.
ولا في وجه العدو اللي جاي ياخد ارضه وحريمه ويستعبده.
معندوش القدرة على التحدي.
ما يملكش الا الخضوع للمرأة. دا درسه الأول في الخضوع.
لأن بعدها حيخضع لاصحاب الاجندة.. وهم بياخدوا ارضه وماله وياخدوا منه المرأة نفسها.
وحيخلف ويربي عيال شبهه كده. جينات معفنة تنتقل جيل بعد جيل.
وينقرض مستر T.
طيب في مستحضر دلوقتي كانت بتستعمله كل الستات في الولايات المتحدة واوروبا.. من اواخر الستينات.. وزحف منهم لكل ركن في العالم.
حبوب منع الحمل.
حبوب اتعمل لها دعاية مختلفة.. عن كونها دواء.
الحبوب دي مش لمنع الحمل بس.
حتكور وترفع اثدائك وتزيد انوثتك وتطول شعرك. حتحسن بشرتك ومزاجك وحتوقف لك الدورة الشهرية وقتما تحبي.. فتسافري لشغل او فسحة بلا قلق.
وبدأت الدعاية.
لكن الحبوب دي هرموناتها والمواد اللي بتحويها موزونة بشكل خاص.
شكل يغير التفضيلات الجنسية للمرأة دونما تشعر.
تلافي المرأة نفسها منجذبة للرجل الناعم الطري اللزج.. وبتنفر من القوي الخشن بلا مبرر.
حتى الستات اللي خافت من الهرمونات.. عملولها اقراص ووسائل لمنع الحمل تأدي نفس الغرض بلا هرمون.
الدراسات العلمية كتير اوي ازاي الحبوب دي بتغير التفضيلات الجنسية للست How birth control pills affect women sexual preferences.. و .. The pill and... sexual orientation.
وفي العصر دا اصيب الرجل الطبيعي بالحيرة.. وهو شايف الستات بتنفر منه وتتوجه بلا سبب مفهوم للخنافس ومن يقلدهم.
يا يتخنفس ويتحول طري.. يا اما فرصته بتضيق انه يكون اسرة.
وظهرت موضة البنطلون الرجالي الضيق للغاية من الارداف.. واسع الساقين.. والشعر الكانيش والرجل اللي لابس قميص بمبي وبنطلون احمر.. ومطول شعره.
دا نفس العصر والسنة والزمن بالمللي اللي ظهرت فيه موضة الحلقان للرجالة.
أواخر الستينات.
لكن رغم ذلك ستات ورجالة كتير دونما يشعروا.. قاوموا دا.
دا لان الجسم البشري اعجوبة حقيقية.
الآلة الوحيدة في الكون كله اللي بتقدر تشتغل بلا وقود.. وتقدر تصلح نفسها بنفسها.. لو خدت وقود غلط بتفككه وتتخلص منه.. وتدور على وقودها الحقيقي.
بدأ مستر T في فيرمونات الرجال القوية يفرض نفسه.. وبمجرد ما يرصده مخ الست يتحسن مزاجها وتتدفق هرموناتها وتشعر بالانجذاب والاعجاب.
وبدأت المرأة تبحث عنه.. وكيمياء الأجساد توزن نفسها.. ومع بحثها بدأ الادباء والمنتجين يقدموا للجمهور ما يريد.. ويظهر على الشاشات الرجل القوي ثابت الجنان واسع الحيلة.
ودا كده حيبوظ المشروع كله.
لابد الحرب تبقى مركزة.. والست متلاقيش مستر T في فيرمونات الرجال اصلا.
كام مرة بتلاقي ست بلا مبرر بوظت علاقة سوية مع رجل محترم قوي حنون بيرعاها بالكامل.. وراحت تجري ورا عيل سرسجي منسون عايش على البرشام عشان يقدر يباشر العلاقة؟
وبتحتار وماتفهمش السبب.
هي نفسها لاحقا لما بتفوق مابتفهمش السبب.
كام مرة شفت بوست وتعليق لفتيات وستات بتقول بمنتهى الجدية انها بتنفر من الراجل القوي وعايزة حد ناعم رخو مترهل مطبع.. تحط له ميكب وتكتشف جانبه الانثوي؟
كام مرة بتشوفوا ست مع راجل طري هي ارجل منه.. ضعيف خانع كسول نايم نص عمره.. وهي بتودي مدارس ونادي وتقف مع النقاش والسمكري وتحاسب الميكانيكي وتتخانق مع الصنايعية..
وبتسمعوها بتقول لكم في يأس:
"كل الرجالة كده".
كام مرة؟
دا لأن مستر T تدهور في فيرمونات الرجال.. وهي بقت فعلا راصدة ان كل الرجالة حواليها كده.
تدهور بمستحضر جديد.. بيستعمله كل رجل.
مزيل العرق.
ثم العطور بالتبعية.
في البداية كان بيضاف للمزيلات والعطور شيء من الفازلين او زيوت طبيعية.. لتثبيت رائحتها.. ثم قرروا بغتة.. استخدام أملاح وإسترات حمض الفثاليك.
وحمض الفثاليك ومشتقاته Phthalates.. زي اي مستحضر.. بيمتصه جلدك و...
ويخفضلك التستوستيرون بنسبة ٧٠% دفعة واحدة.
اه انت قريت النسبة صح.
٧٠%.. سبعين في المائة.
متخيل عنف الحرب على مستر T..؟
وبعدين قفزوا لاستخدام مادة ذات تأثير شبيه...
البارابين paraben المعدل.. في شامبوهات الشعر وجيل الحلاقة.. اللي بيحاولوا في استماتة انه يحل محل صابون الحلاقة العادي.. لسبب انت عرفته دلوقتي.
افتكر واحنا صغيرين.. جيل اباءنا مكانش بيستخدم شامبو.. كان بييتخدم الصابون لشعره.. وبدأت بغتة حملات خاصة.. لانواع شامبوهات جديدة لاول مرة للرجال.
ومع ظهورها بدأت حملات شرسة على مصانع الصابون الطبيعي.. بزيت الزيتون او غيره.. لانهم قالوا اتها بتتلف الشعر والجلد.
واتقفلت مصانع كتير.
او قللت انتاجها للغاية.
وظهر الشامبو الرجالي.. بالوان واشكال وروائح لكل ذوق.
كريم الحلاقة الرغوة العادي اللي هو صابون حلاقة في انبوبة.. بقى نادر.
بقى في جيل الحلاقة.. بأملاح حمض الفثاليك والبارابين المعدل.
وبقى في رجل لابس بنطلون ضيق مقطع وتوكة.. وبيحط ليب جلوس lip gloss ومانيكير شفاف يحمي ضوافره وبيشيل شعر صدره وذراعيه عشان يبقى ناعم!
والنهاردة بتسلم على شاب صغير او رجل بالغ.. المفروض مستر T شلال بيتدفق في عروقه. بتلاقي قبضته رخوة ضعيفة وهو بيسلم.
كانك بتسلم على ست.
طبعا دي مش دعوة لانك تبقى معفن متحطش مزيل ومتستحماش.. زي ما في جاموس ما.. حيكتب في تعليق.
هي دعوة للعودة للمنتجات الطبيعية.
في شامبو طبيعي.. وصابون طبيعي.. بروائح طبيعية مختلفة.. وفي عطور خالية من حمض الفثاليك.
في غالية عالمية.. وفي كل العالم في برضه محلية متوسطة السعر.
الغالية رائحتها حتقعد معاك من يوم الى ٤٨ ساعة.. والاقل سعرا لبضع ساعات.
المهم انك تبحث وتدور على المستحضرات الخالية من المادتين دول وغيرهم.. حنذكرهم في الحلقات دي.. وعلى العموم...دور على المستحضرات الطبيعية قدر الامكان ولو كانت اغلى.
في الاونة دي مصر وروسيا والصين منعوا ميديا كتير..
لكن برضه فضلت الاجندة تتسلل.
الزعيم جمال عبد الناصر وافق بعد هزيمة ٦٧.. في نفس العصر.. على مشروع سلسلة افلام كوميدي.. تعرف الناس بالجيش واسلحته المختلفة.. وتحسس الناس ان ازاي الجيش والشرطة مصنع للرجال.. حيدخلهم احمد رمزي العابث السكير زير النساء ويطلع رجل مسؤول مخلص لحبيبته.. حيدخلهم اسماعيل ياسين الجبان.. ويتحول لشجاع.
لكن في كل الافلام دي اتحشرت الاجندة.
قائد اسماعيل ياسين الشاويش عطية لازم يظهر مخيف للجميع لكن في بيته خانع جبان بيترعب من زوجته. لازم حبيبة اسماعيل ياسين تبقى أمها هي الرجل الحمش.. وابوها هو الست المنكسرة مهيضة الجناح.
وكانت الحركة النسوية على اشدها.. زي ما قلنا من الخمسينات.
وتعالى اخدك بعيد عن الكيماويات وارجع بيك كام سنة ورا في نفس العصر بفلاش باك.
لسنة ١٩٥٤.
حركات اسلامية كتير بيدعمها الغرب. وجواسيس وتابعين كتير لدول اجنبية.. واجهزة مخابراتها.. تحت مسمى شيوخ وقادة وأئمة لجماعات دينية.
دي السنة اللي - استعد للدهشة - دعم فيها الاسلاميين والتيار الاسلامي.. الحركات النسوية.
اه. انت لم تخطيء في قراءة الجملة.
الاخوان المسلمين في مصر كانوا من رواد الموضوع دا..
دعموا الحركات النسوية.. وكان لهم مصروف ثابت لدا بيتصرف شهريا بانتظام من السفارة البريطانية في القاهرة.. ليد "حسن البنا".. ضمن بنود صرف أخرى سياسية.
وكان حسن البنا سايب المشروع دا قبل وفاته مع مبلغ كبير للتمويل.. التقفته "زينب الغزالي" اللي كانت - استعد للصدمة - عضو بارز في "الاتحاد النسائي".
الاتحاد اللي بيسعى لمساواة المرأة بالرجل في كل المجالات.. ومساواته بها في الاعمال المنزلية والملبس.. مع تقديم ندوات ومؤتمرات عن تفوق جنس المرأة على جنس الرجال.
وخرجت علينا الجماعة بما يسمى "جمعية السيدات المسلمات".. اللي دعت لنفس توجهات الاتحاد النسائي.. لكن داعبت عقول العامة بالبعد عن المساواة في احكام الميراث.. وفي بعض الاحكام الاخرى.
ولكن "هدى شعراوي" ارادت ابعاد الدين عن الأمر تماما.. ودا دخلها في صراع مع "زينب الغزالي".
وحدث استقطاب مجتمعي عنيف.
شبه حرب بين الرجال والنساء.. والرجال والرجال.. والنساء وبعضهن البعض.. في بلد مشتعلة بالحرب وبتحارب طوال الوقت اصلا.
وتدخلت الدولة.. ودمجت الجميع في "الإتحاد النسائي المصري".. وفيه حط عبد الناصر قواعد صارمة.. محدش يحيد عنها.
وتم وضع اطار واضح وخطوط حمراء.
الحركة النسوية بجب ان تعمل مع سياسة الدولة وعلى الجانب الإيجابي.. كمنح المرأة الحق في الانتخاب وفي الترشح للمناصب العامة.. والمساواة امام القانون. فقط.
مفيش جو استقطاب المجتمع العنيف ومسخ الادوار وتحويل الرجل والمرأة لأعداء.. وتدجين الرجل.
واللي حيخليك تستغرب اكتر.. ان اللي عارض دا هو الجماعات الدينية!
ودار الصراع مرة اخرى.. فحيد الزعيم عبد الناصر الحركة بالكامل.. وقصر نشاطها على المجال الخيري فقط.
وبدأت موجة حادة مضادة.
موجة لاستعادة التوازن الرباني.
وكان من المحتم مواجهتها اعلاميا بطريقة حتخليك تتفاجيء.
وكان من المحتم مع الاعلام يحاربوا مستر T بالطعام.
طعام طبيعي.. من غير اي اضافات.. حيشجعوك تستهلكه.. بدعاية عكسية.. انه للرجال الاشداء.
وهو في الحقيقة بيدمر التستوستيرون في جسدك تماما.
والاكل دا انت بتستهلكه يوميا لحد النهاردة.
حتى الاعلام والسينما روجت له.
والقصة دي الكلام عنها يطول.. فنكمل كلامنا لاحقا.
ويبقى للحديث بقية.
#LookingforMrT
#البحث_عن_التستوستيرون
-------------
- الحلقات السابقة اول تعليق.
- المراجع مع الحلقة الاخيرة.
