ممكن مصير ابنك وبنتك يبقى زي الولد اللي في الصورة دا في يوم ما..

ممكن مصير ابنك وبنتك يبقى زي الولد اللي في الصورة دا في يوم ما.. لو ما قررتش تقف وقفة.
لو مقررتش تتعلم تقول "لأ".. وتعلم وتعرف كل من حولك خطورة الأمر.
لأن بكرة اولادك.. حتتحول جنسيا بالعافية.
هو دا بيحصل بالفعل برا.
رغم انهم في يوم ما كانوا زيك.. رافضين دا تماما.
بس دي أجندة عالمية.
لازم تتنفذ على الجميع.
دلوقتي هناك بيزنوا على الاطفال في المدارس والكارتون والمعسكرات الصيفية.. بالقصة دي وقصص تقبل الناس دي وحبهم والتعامل معاهم على انهم فئة افضل.
خد بالك محدش بيقول للاطفال دول زينا زيهم باعتبار دا مبدأهم وما تنص عليه قوانينهم من المساواة بين الجميع.
لأ.
هم افضل.. لانهم صارحوا نفسهم وخاضوا حرب وعندهم شجاعة والخ.
وتلقاليا الطفل بيبدأ يتساءل.
هم أفضل؟ طب انا عايز ابقى افضل برضه.. هو اي حد ينفع يبقى كده؟
يعني انا ينفع ابقى عندي قدرات زي الست اللي مع سبايدرمان او المرأة الخارقة؟
وهنا بيتلقفوا الطفل.
انت بتحب ووندر وومان؟ نفسك تعمل زيها وتبقى زيها.. تعالى.
دا بيحصل فعلا.
وهنا.. انت كأب أو أم مالكش حق ابدا انك تقول له الحقيقة.
لازم تردد نفس الكلام وتشوه وعيه وادراكه للاشياء وللواقع.
يعني هو يبقى شايفني قدام عينيه رجل ضخم مشعر أد الباب صوتي أجش غليظ بعضلات وأشبه بذكر غوريللا.. ولما يخاطبني كرجل وانا اقول له "لأ انا مش راجل.. أنا بنت عندها ست سنين".. فالمفروض انه مايقدرش يعترض وإلا يبقى اجرم.
لازم يكذب عينيه وحواسه وادراكه للواقع والاشياء ويقر اني بنت.
الاطفال لما بتتساءل.. او تاخد دا لعبة.. مع الزن المتواصل.. بينقلوا معاهم الزن هنا لخانة تانية.
ازاي يؤكدوا للطفل انه حاسس بدا فعلا.
انت حاسس انك بنوتة صح؟ مش عيب تحس انك بنوتة دي حاجة جميلة.. نفسك تلعب بالعروسة زيها.. صح؟ قول متخافش كلنا حنفضل نحبك.. صح؟
الغريب ان دا اسلوب غير علمي بالمرة وهم عارفين دا.. الزن على شخص كبير ممكن يخلي بريء يعترف بجريمة.. وبيبقى مصدق انه معترف اعتراف صحيح.
انت القاتل صح؟ قول عشان نقدر نساعدك.. قول هو انت.. صح؟
شفت دا بعيني في مجال الطب الشرعي وفي طن من الابحاث والكتب عليه.
هم بقى بيعملوا دا مع الطفل.. وبعدين ياخدوه منك عشان يحقنوه بهرمونات توقف تطوره الجنسي.. فلو بنت.. تمنعها من البلوغ كأنثى.. ولو ولد تمنعه من البلوغ كذكر.
كل دا وانت كولي أمر ماتقدرش تعترض والا الطفل يتاخد منك وحيحولوه عافية برضه.. وانت تتسجن.
دا "بكرة".
دا القادم.. لو موقفناش وقفة نحمي فيها ولادنا واحفادنا.
"جون ماني" بدأ دا مع طفل كندي اسمه "بروس رايمر".
مكانش عن طريق الزن.. بس كانت فرصة جتله على طبق من دهب.
كان فاتح عيادة لطب الاطفال وعلوم الجنس معا.. في يوم بيطرق بابها أب وأم شايلين معاهم طفل.. سبع سنين ونصف تقريبا.. بيتألم وقيد العلاج.
وفي هلع لاهث، بيحكي الابوين القصة كاملة.
القصة ان الطفل دا.. "بروس".. أثناء عملية ختان عادية.. وعند كي الجرح بالجهاز المخصص.. احترق عضوه الذكري.. و.. وفقده.
الغريب هنا ان كان في جراحة معروفة تخلي ان الطفل يتصلح.. ويترأب عضوه بغضاريف ولحم وكسوة جلدية من جسمه هو.. ويتوصل بنهايات الاعصاب.
كانت عملية بتتم.
طالما دا ذكر وعضوه فقد في حادث او غيره كانت بتتم.. وبنجاح معقول جدا.
اسمها "رأب القضيب Phalloplasty".. ابتكرها الروس بسبب اصابات الحرب.. ونجحت أول عملية من النوع دا من سنة ١٩٣٦.
بالتالي.. وقت "جون ماني" ما استلم الطفل "بروس Bruce Peter Reimer" سنة ١٩٦٧.. كانت قابلة للتحقيق وقيد الممارسة ونقدر نقول كمان انها سهلة.
لكن "ماني" بيلاقي دي فرصة ذهبية مش حتتكرر.
وبيقرر يكذب على الأبوين.
عامة كل اللي في المجال دا بيكذبوا ويخدعوا نفسهم والآخرين والعالم طوال الوقت.
مجموعة من المنافقين وعبيد المال وحثالة البشر، في ملابس مسؤولين وساسة وعلماء ولجان طبية وكتاب وادباء ومنتجين.
المهم أن "ماني" بيقول لأهل الطفل انه مالوش اي حل...
حيعيش غير سوي مشوه تعيس للابد.
الا اذا...
الا لو ركنوا إلى حل واحد.
يعمل له جراحة ويقلبه بنت.
وكده يعيش طبيعي وسعيد.
وبيوافق الابوين لمصلحة الصغير و...
وبتبدأ واحدة من ابشع عمليات التشويه في التاريخ باسم العلم.
بيزيلوا خصيتي الطفل جراحيا.. ويبدأوا سلسلة من العمليات الجراحية لتحويله لبنت.. لها عضو تناسلي انثوي.
ومع إزالة الخصيتين.. فقد "بروس" المصنع الرئيسي للتستوستيرون في جسده.
وبيفتح "بروس" الصغير عينيه يلاقي نفسه بغتة.. بنت.
بنت اسمها "بريندا".
بتتغير حياة الطفل بالكامل.. وبيلبسوه فساتين.. ويجيبوله عروسة والعاب بنات.. وبيتمنع من كل انشطة الصبيان اللي بيحبها.
وفي المدرسة بينفر منه اصدقائه او يتنمروا عليه.. باعتباره بقى كائن غريب مش مفهوم.
وكان لبروس أخ ولد توأم.. وكان "ماني" مقرر يستغل الحادثة والابوين.. ومقرر يمشي في تجربته للآخر.
اقنع الابوين انه عشان الموضوع ينجح حيحتاج للطفلين معا.. علاج نفسي خاص...
بقى بيجيبهم العيادة ويقلعهم هدومهم.. ويجبر الاخ الولد انه يعتلي "بروس".. او يحك عضوه بجسده في مناطق حساسة.
آه.. آه هو اللي في دماغك بالضبط اه. كانوا طفلين عندهم ٨ سنين.
"ماني" حسب شهادة الأخوين كان لطيف جدا معاهم في حضور الابوين.. ولما بينفرد بالأطفال في الجلسة كان بيتحول وحش وييهددهم.. وبيهددهم بالضرب والاذى الجسدي اذا قالوا للابوين بيحصل ايه جوا.. وكان اقنع الاهل انه ممنوع يطلبوا من الاطفال يحكوا جلساتهم لصحتهم الجنسية.
يعني كان عارف انه بيرتكب جريمة ويغلط وبيداري على نفسه.
لكن مستر T قوي جدا.
وعقل الرجل العادي قوي جدا.
من لحظة ما بيتولد ذكر.
مخك بيبقى عارف انك رجل مهما اتعرضت لتغيير.
ومحدش وقتها توقع المفاجأة.
مستر T مش بيفرز من الخصيتين وبس.
دي المفاجأة واللي مكانش يعرفها "جون ماني" في ذلك العصر.
فالحقيقة بما ان الرجل مفطور على حماية الاسرة والدفاع عنها ضد الخطر.. ودا مزروع في تلافبف عقله طالما رجل طبيعي.. فهو مخلوق فيه آلية خاصة، تحافظ على دوره وقت الخطر.. حتى لو الخصيتين معطلتين لمرض او اصابة. او اتشالوا بالكامل.
الغدد الكظرية او "فوق الكلوية adrenal glands".. اللي بتطلق هرمون آخر في اجسادنا.. كلنا عارفين اسمه.
الادرينالين.
الهرمون اللي بيفوق جسمك بغتة من الاسترخاء لمود القتال في ثانية واحدة.
اللي بيخليك تقوم من نوم عميق فجأة واقف على رجليك بكامل نشاطك نافر العضلات مشحون بالطاقة مستعد للقتل.. لأن في حرامي بيتهدد زوجتك.
نفس الغدة مع الادرينالين بتفرز هرمون اسمه "ديهيدرو إيبي أندروستيرون dehydroepiandrosterone".
ودا وقت الخطر حيتفرز مع الادرينالين كذلك والجسم يحول كمية منه على الفور الى تستوستيرون.. عشان مع الادرينالين تمتلك القوة والشجاعة اللازمين للقتال.
صحيح انها كمية قليلة عما تفرزه الخصيتين.. لكن بتؤدي الغرض.
وعلى التوتر اللي اتعرض له "بروس" في عيادة ماني والمدرسة والبيت.. فضل في تواجد دائم مستمر لمستر T في دمه.
تواجد حمى دوائره المخية من التغير.. رغم ان "ماني" بذل كل مرتخص وغال لتغييرها.
وراح "بروس" طيلة الوقت يلعب العاب الاولاد ويصارعهم ويتسلق معهم الاشجار ويضربونه ويضربهم كأي ولد طبيعي.
ورغم ذلك كتب "ماني" ورقة بحثية طويلة.. يكذب فيها ويحكي عن تطور ممتاز في الحالة.. وازاي الولد بقى مقتنع وبيتصرف كبنت.. وسماها على اسمه هو مش اسم الولد "حالة تحويل جون الى جوان John/Joan case".
الورقة دي واسمها اقنعت علماء اخرين ان "جون" كان بيعمل اللي نفسه هو فيه مع الولد. يعني كان مخبول ونفسه يعيش زي الحرمة زي كينزي.
ومع سن ١٣ سنة بدأ يدي الولد هرمونات أنثوية.. عشان تتطور له اثداء.
وهنا.. مع المعالجة دي بيتراجع مستر T في دم الولد.
ودا لما بيحصل لنا بيخلينا عاطفيين هستيريين.. بنتصرف تصرفات انثوية.
لكن برضه بيسبب مشكلة اكبر.. بسبب الخلل الكيميائي وتفكك دوائر المخ.
الحقيقة ان مستر T بيحمينا كرجال من الاكتئاب ويخلينا رايقين ثابتين وذهننا حاضر ومبسوطين.. ومع تدهوره او غيابه.. بيبقى الرجل عصبي ونكدي ومكتئب.
وظهرت المشكلة دي عند الولد.
الاكتئاب العنيف والافكار الانتحارية.
بتراود الطفل افكار انتحارية عنيفة.. وبينقذوه من الموت مرتين.. وبيعلن لابويه انه حيقتل نفسه لو اجبروه على زيارة عيادة "ماني" مرة تانية.
ومع غياب الطفل عن جرعات الهرمونات الانثوية.. بيبدأ التستوستيرون يتدفق في عروقه مرة ثانية.. وفي سن ١٤ بيصارح ابويه انه ولد زي ما ربنا خلقه.
وعايز يرجع ولد.
وبيرتبك الأبوين في شدة.. ويصابوا بحيرة هائلة.. لكن بيظهر على الساحة دكتور تشريح اسمه "ميلتون دايموند Milton Diamond".
الطبيب دا بيتتبع حالة "بروس" ويجيب اولها واخرها.
وبيعلن "دايموند" للجميع.. ان "جون ماني".. عدم المؤاخذة.. مجر حمار.
وان نموذجه للتحويل وبالذات تحويل بروس.. عك وكذب وابحاث مزيفة...
وكان لدايموند ابحاث عن التحويل.. هي الابحاث الطبيعية العادية.. لتحويل انثى ولدت بعضو ذكري لتشوه ما.. او بعضوين انثوي وذكري.. بس كروموسوماتها انثى.. او ذكر ولد بعضو انثوي وهو كروموسوماته ذكر.
دول بيتحولوا على فكرة وحالات معترف بيها العلم وبيعالجها جراحيا.. ولا جدل عليها حتى بين رجال الدين.. رغم ان الموضوع مالوش علاقة برجال الدين.
حتى في مصر وروسيا والصين والدول اللي مانعة قصص الهوية الجندرية تماما.. بيتحولوا.. والازهر بلجنة خاصة بتضم رجال دين واطباء منه بيفتي بأحقيتهم في التحول.. كجزء من العملية الورقية.
بالتالي في الوقت دا كان هم "دايموند" هو خراب بيت "جون ماني" واثبات كذبه وتلاعبه.
وبالفعل بينجح.
وهنا.. بينصاعوا للولد.
وبيبدأوا سلسة تانية من الجراحات.. ترجعه زي ما كان.
بيعمل عملية استئصال ثدي Mastectomy.. وبيعملوله عملية رأب القضيب اللي اتكلمنا عليها فوق.. وبيخرج من غرفة العمليات ولد.. وبيختار لنفسه اسم "دايفيد".
بيكبر "دايفيد" وبيتجوز امرأة معاها ٣ اطفال.. وبينخرط في هوايات رجالية زي المصارعة والصيد والتخييم والتنقيب عن الاثار والعملات القديمة والتصويب بالسلاح الناري.
لكن شقيق "ديفيد" كان عاش بصدمة اللي حصل له مع شقيقه في العيادة.. وصار مدمن على الكحول ومريض اكتئاب مزمن.. وبيعاني طول الوقت.. فبيقتل نفسه في النهاية بجرعة مضاد اكتئاب زائدة.
مع موت توأمه بيدخل ديفيد نفسه في اكتئاب عنيف.. وبيسيب على اثره الشغل ويبقى منزوي منطوي.. وبتطلب زوجته الانفصال لانهم مش عارفين يعيشوا كده.. حتى مبقاش معاه فلوس يشتروا بقالة.
وفي الصباح التالي.. في ٤ مايو سنة ٢٠٠٤.. بيقول لزوجته انه حيتصرف ويجيب البقالة.. وبيقود سيارته لموقف السوبرماركت فعلا.
وتقريبا بتتداعي في رأسه كل ما مر به.
إصابته.
أول زيارة لعيادة "ماني".
إزالة خصيتيه.
عمليات تحويله.
زراعة الثدي.
المدرسة.
انتحار شقيقه الوحيد.
جرعات التستوستيرون الصناعي اللي مضطر يعيش عليها بقية حياته.
انهيار زواجه.
وهناك في موقف السيارات داخل عربيته.. في لحظة ما.. بيتخذ القرار المؤسف.. وبيطلع سلاحه ويطلق النار على رأسه.. ويموت عن عمر ٣٨ سنة.
الحركات النسوية لما عرفوا قصة ديفيد سنة ١٩٩٧ انقلبوا على جون ماني.. وهاجموه بعنف.. والميديا بقت تطارده كوجبة دسمة.
دا خلاه ينزوي في الظل لحد وفاته سنة ٢٠٠٦ بسبب تدهوره ومضاعفات اصابته بالشلل الرعاش.. وان كان معلقش ابدا على انتحار ديفيد غير مرة لما قال في برود لصحفي "ان موته شيء محزن" وحسب.
المصيبة الكبرى ان ماني في بعض الاوراق قيل انه عمل ٢٢٨ عملية زي عملية "ديفيد" لاطفال.. من العام ١٩٦٧ للعام ١٩٩٧.. وقت ما انتشرت القصة لما ديفيد اتكلم مع الميديا.
ايه مصيرهم وقصتهم؟
محدش عارف.
لكن ماني هو ابو عمليات التحويل الجنسي gender affirmation surgeries اللي بتشوفها النهاردة.
ماني بالمناسبة اتجوز سنة ١٩٥٠ ومخلفش ابدا.. وزوجته واصدقائه قالوا انه كان مثلي.. زي كينزي.. بس مجاتلوش فكرة انه يعمل ريالتي شو حول تألقه في عالم الازياء وعن كونه بيتهزأ من المدام لحسن حظنا جميعا.
لكن وقتما ماني كان بيحول ديفيد في العام ١٩٦٧.. كانت الاجندة دي في مصر بتتحول تحول عنيف.
تحول حيغير مسارها تماما.. بينما هي في الولايات المتحدة بتتخذ طريق مختلف.
لكن دي قصة تطول والوقت سرقنا النهاردة.. فنكمل كلامنا لاحقا.
ويبقى للحديث بقية.
#LookingforMrT
#البحث_عن_التستوستيرون
-------------
- الصورة لديفيد وتوأمه براين.
الحلقات السابقة:
١ - https://www.facebook.com/share/p/k1S5qvULAQVxPKpa/?mibextid=oFDknk
٢ -https://www.facebook.com/share/p/kpsuZtytj78wtwFF/?mibextid=oFDknk
٣ - https://www.facebook.com/share/p/C8TppooMp9mYmr9V/?mibextid=oFDknk
٤ - https://www.facebook.com/share/p/WrvvnyVa9Rygc2vG/?mibextid=oFDknk
٥ - https://www.facebook.com/share/p/9WQfxLWNSrCcsev2/?mibextid=oFDknk
٦ - https://www.facebook.com/share/p/4nSeJSLcKBKs1FWK/?mibextid=oFDknk
٧ - https://www.facebook.com/share/p/yAWxExmdKFiPYsHq/?mibextid=oFDknk
٨ - https://www.facebook.com/share/p/uej78YpejuydtekG/?mibextid=oFDknk