في دولة شقيقة خرجت من مطاراتها طائرات انجلترا وفرنسا في العدوان الثلاثي تضرب مصر.

في دولة شقيقة خرجت من مطاراتها طائرات انجلترا وفرنسا في العدوان الثلاثي تضرب مصر.
ودولة شقيقة ساعدت امريكا بشتى الطرق لانهيار دولة عبد الناصر.. وطلعت قالت دا رسميا. عبد الناصر وقتها كان بيبعت لهم مدرسبن واطباء ومهندسبن ويؤسس لهم شرطة وجيش ومخابرات.
ودولة شقيقة نشرت عمدا الفكر الوهابي التكفيري في مصر والمنطقة من السبعينات.
وفي دولة شقيقة حاكمها الشقيق خد طيارته الشقيقة وسافر تل ابيب الشقيقة يبلغهم بميعاد العبور المصري.. لحسن الحظ أن السادات كان قايل له ميعاد غلط.
وفي دولة شقيقة حجزت الضفادع البشرية اللي نفذت العملية إيلات وانكرت وجودهم.. ولولا احتجاز عبد الناصر لحاكم الدولة الشقيقة دي نفسه في القاهرة.. مكانوش رجعوا.
وفي دولة شقيقة دعمت القاعدة في سوريا واليمن وليبيا.. رغم ان دا خطر داهم على المنطقة وعلى أمننا القومي.
وفي دولة شقيقة مولت تنظيم جاحش.
وفي دولة شقيقة خربت العراق وسلمته للقوات الامريكية.
وفي دولة شقيقة دمرت لبنان واتدخلت في شؤونه وخربته وضغطت عليه لحد الإفلاس من السبعينات.
وفي دولة شقيقة راحت تسعى لتقسيم اليمن. لدرجة ان في دولة شقيقة تانية قصفت لها معداتها الشقيقة هناك.
وفي دولة شقيقة سلطت علينا نشطاء سرسجية شقيقة لإشعال الفتن والثورات.. ودعمت الإرهابيين في كل مصر..
وفي دولة شقيقة مولت آبي أحمد ودعمته وساعدته يبني سد الخراب الإثيوبي.. ولازالت بتدعمه وتشتري له سلاح إسرائيلي ودفاعات جوية يحيط بها السد على حسابها.
وفي دولة شقيقة هددت مصر من الجنوب وسلطت عليها حميدتي ودعمت خراب السودان.
وفي دولة شقيقة بتمول تحركات إسرائيل في اثيوبيا ومحاولة عمل ميناء اثيوبي شقيق على البحر الاحمر..
وفي دولة اكثر شقاقة من كل دول بقى.. دعمت كل الثورات الملونة ودعواتها وكل صنوف الارهاب واتسببت في مجزرة رفح الاولى والثانية واستشهاد مئات من اولادنا.. ومصر عملت مسلسل عن كتيبة البطل منسي فيه اسم الشقيقة دي اللي حاولت تفككنا وتقسمنا وحاربتنا عيني عينك.. وعملت قناة مخصوص تهاجمنا ٢٤/٧.
ولسه قاعد عندها عناصر ارهابية شقيقة مستضيفاهم وبتحميهم.
الدول الشقيقة دي قلنالهم يعقلوا ونعمل ناتو عربي نحمي بلادنا ورفضوا.
الدول الشقيقة دي لما اتزنقنا بسبب تصرفاتهم الشقيقة.. ادتنا ودايع بفوايد زي فوايد السندات الامريكية الشقيقة.
الدول الشقيقة دي لما اتفقنا مع اهلنا في ليبيا ناخد منهم وقود عملوا دعوات لليبيا يقولوا لها لا متدبهمش وقود.
الدول الشقيقة دي النهاردة فيها ناس بتشتمنا لاننا كده مش دولة شقيقة. وكان لازم نساند إسرائيل الشقيقة.. ونساند القواعد الامريكية الشقيقة.
عملنا احنا ايه للدول الشقيقة دي؟
حاربنا عنهم ودعمنا استقلالهم وبعتنا لهم مدرسين ودكاترة وأسسنا لهم شرطة ومخابرات وجيش وصحافة ومدارس وجامعات.. واللي انت ماتعرفوش. لما كان معانا.. عطيناهم فلوس.
فقرروا هدمنا لأننا دولة مش شقيقة.
الدول الشقيقة دي غريبة جدا.
By Alaa Hammouda