لسه بندور على التستوستيرون.
مستر T اللي بيقاوم حرب ضروس، من بعد الحرب العالمية الأولى.
الحرب دي بدأت بالنكتة والكاريكاتير واللقطة والفيلم الكامل الى المسلسل.. مرورا بالكارتون والمسرحية.
من لقطة واحدة.. بقى في فيلم كامل عن ست متسلطة بيخاف منها جوزها.. او مسلسل كامل عن كده.. والناس بتتابعه وتشوفه.
وتنبسط.
وتهزر.
وتضحك.
ويتسلل الموضوع لعقلها وتصرفاتها وسلوكها.
الحقيقة اننا وبالذات اولادنا ممكن يقلدوا اللي بنشوفه.. وياخدوا منه افيهات ومواقف...
وممكن عبر الوقت تغير شخصيتهم بالكامل.
لاحظ دا في الاطفال لما بتعرض لهم مسلسل عن ابطال خارقين.. او بطل كوميدي او غيره.
ومع الإعجاب والتقليد والزن بيتغير المخ ودوائره وكيميائه.
الفنان "عادل إمام" مرة حكى موقف حقيقي.. انه كان بدأ بلا سابق إنذار يحس انه مهدد.. خايف.. وان في حد حييجي من وراه يضربه او يشل حركته.
وبقى مش فاهم اللي بيحصل وطوال الوقت بيمشي يبص وراه في قلق مترقب هلع.
وفي مرة كان قاعد قعدة سمر عادية مع أحد اصدقائه.. من خبراء الطب النفسي.. وحكى له.
واستمع اليه صديقه الطبيب في اهتمام.. وبعدين قال له:
" آن الاوان توقف العرض المسرحي لشاهد مشافش حاجة".
فلما سأله الفنان عادل عن السبب في حيرة.. صديقه الطبيب قال له في لهجة قاطعة:
"انت مش انت اللي خايف في الحقيقة. انت دخل جواك (سرحان عبد البصير) الخواف المذعور الضعيف.. ودا خطر جسيم.. لازم تتخلص منه".
هو دا اللي بيحصل فعلا.
والحرب على مستر T.. وصلت للأكل.
اكل اتروج له وظهر بغتة في اوقات بعينها.. باعتباره غذاء للاشداء.
وهو العكس تماما.
أنا صحيت في يوم في ٢٠٠٨ في مصر، لقيت فجأة اوبشن مباغت جديد.. انك لما تطلب ليمون.. يبقى "ليمون بالنعناع".
وتجربه باعتباره شيء جديد لطيف...
والحقيقة ان النعناع من مضادات التستوستيرون القوية.
الشاي بالنعناع ظهر بغتة برضه بلا سبب في السبعينات كتقليعة جديدة.. بعدما كان الشاي شاي.. والنعناع نبات طبي بتشربه عند الضرورة مع تقلصات المعدة او غيره.
وبتشوف في مئات الاعمال الفنية العمدة المرعب والفتوة والضابط والبطل وهو بيشرب شاي بالنعناع.
والمهم ان لو على اضافة نكهة للشاي.. ففي نبات بيرفع التستوستيرون لو شريته مغلي مع الشاي او غيره.
القرنفل.
لكن محدش على الشاشات بيشرب الشاي بالقرنفل.
في فيلم مشهور لشكري سرحان.. كان نجار وبيحب ماجدة.. وهي من بيت بتحكمه ست.. وتتحكم في كل رجاله.
والست دي بدأت تخضعه بشتى الطرق.. لحد ما في يوم قرر يسترد رجولته ويبقى حمش.. ورفض فطارها التقليدي. وطلب "طبق فول بالزيت الحار".
فريد شوقي ذكر الزيت الحار في افلامه كتير.. ومرة شرب منه شوت صغير وهو بيعمل اسطى نجار كذلك في مطبخ في فيلم ما.
عبد الفتاح القصري ذكره كتير وهو قايم بدور الفتوة والمعلم.. لازم يفطر فول بالزيت الحار.
اسمه بيوحي بالخطورة.
زيت حار. بيلمح لانه حار زي الفلفل.. او ملتهب كأنه سائل من جهنم للاشداء فقط. بينما هو طعمه اقرب للبول الممزوج بزيت الفرامل.
والزيت الحار نال شعبية جارفة في مصر بعد الحرب العالمية الثانية.. بلا سبب معروف تقدر تحط ايدك عليه، ليحل محل زيت الزيتون على طبق الفول.. زيت الزيتون اكثر الزيوت صحية والمحفز على انتاج التستوستيرون.
فجأة ظهرت موضة الزيت الحار.
والحقيقة هو انه قديم جدا.. ومذكور في البرديات المصرية القديمة باسمه الحقيقي.
زيت بذر الكتان.
استخدمه المصريين للجلد والجروح كدواء استخدامات طبية.. وكانوا بيأكلوا بذر الكتان لإناث لمواشي والدواجن.. يرفع هرموناتها الانثوية وبالتالي يحسن صحتها ولحمها.. ويزود انتاجها من اللبن.
وكانوا بيحطوا الزيت في اكل جنود الاعداء اللي بيقدموه لهم لما يتعرضوا لاحتلال.
اه بالضبط انت قريت صح. قدماء المصريين كانوا بيأكلوا الزيت الحار لجنود المحتلين الأعداء.. فيخليهم رخوين متهدلين كسالى.. غير خطرين!
زيت قاتل للتستوستيرون بمعنى الكلمة.. جرعة واحدة مناسبة منه تقدر تحرمك من مستر T لأسبوع كامل.
المصريين بيدلقوه على فطارهم التقليدي.. طبق الفول.. يوميا. بالعكس المحل اللي فيه زيت حار بقى عندنا له ميزة تفوق.. عن المحل اللي مابيقدموش.
يا ترى فاكر أملاح وإسترات حمض الفثاليك.. اللي حذرتك منها في المعطر والشامبو عشان جلدك حيمتص بعضها؟
انت بتاكل وتبتلع نفس المادة بتركيز مخيف، في سندوتش الماكدونالدز!
كل المقرمشات العجيبة، اللي مبتعرفش هي معمولة من ايه.. ومحطوطة في اكياس ملونة براقة.. خصوصا لما بتلاقي عليها عبارة "بالجبنة".. في الحقيقة هي زاخرة بحمض الفثاليك.
فاكر في الثمانينات والتسعينات الهوجة والحملة اللي طلعت بغتة، عن ان ازاي فول الصويا مفيد وصحي وزاخر بالبروتين.. والخ؟
حتى انهم قدموا لبن الصويا كمنتج تجاري.. غزا العالم.. باعتباره صحي اكثر من اللبن الحيواني.
فول الصويا مش بس بيخفض التستوستيرون.. دا بيرفع الاستراديول في اجساد الرجال.. وهو النسخة الرجالي من هرمون الانوثة الاستروجين.
كل الرجالة بنحتاج الاستراديول.. وبيبقى نسبنه لو التستوستيرون في دمك ١٠٠٠.. بتبقى ١٠ الى ٥٠ فقط.
حتى في مجال الرياضات العنيفة.. اللي بترفع التستوستيرون تلقائيا.. مع زيادة الجهد والكتلة العضلية.. قدموا فيها للرياضيين مكملات مستخلصة من فول الصويا.
النهاردة من التقاليع الجديدة.. اللي بتبين انك راقي او متحضر.. هو انك تشرب القهوة بالالموند ميلك.
لبن اللوز.
لبن اللوز اللي حيطلق في دمك بغتة بروتين خاص؛ اسمه SHBG.. حيقفش في كل جزيئات التستوستيرون في دمك.. ويغير خواصها.. ويتلفها.
جميع انواع السمن النباتي والزيوت المهدرجة.
زمان كانت جداتنا وامهاتنا لما بتسلق قطعة لحم او دجاج.. بتستنى الشوربة تبرد.. وتشيل من على وشها طبقة الدهن الطبيعي المتجمدة.. وتطبخ بالدهون الطبيعية دي الارز والخضار.
كانت بتطبخ بالزبد الطبيعي المشتق من اللبن.
المورتا المشتقة برضه من اللبن.
دلوقتي لا.
زيت صناعي وسمن صناعي.
مشروب العرقسوس المر.. اللي ارتبط في الاذهان بانه للرجال الاشداء.. بسبب مرارته ونكهته. من محاربي التستوستيرون المعروفين.. وكوب واحد منه حيعمل لك بلوك للتستوستيرون لمدة ٢٥ ساعة تقريبا.
حركة "الفيجانز veganism" اللي بدأت تتلمع بغتة مع نهايات الحرب العالمية الاولى عام ١٩٤٤.. وصك اسمها "Dorothy Morgan دوروثي مورجان".
والمثير للت٥مل ان دوروثي كانت نسوية كذلك.
لأن من غير بروتين حيواني.. انت عندك مشكلة حقيقية في تكوين التستوستيرون.
اتعلم الناس انهم يعزفوا عن الاسماك والبحريات.. ويستسهلوا التونة المعلبة.
هي كويسة وكل حاجة.. لكن مرة كل اسبوعين او شهريا. اكتر من كده.. فلحم الاسماك الكبيرة في العالم كله.. فيه تركيزات عالية من الزئبق المدمر للتستوستيرون.
لكن الناس بتختارها بدل البوري والبلطي والمحار والجمبري.
اتبرمجت على كده.
وافتقرت عمدا.. عشان يبقى دا خيارها الوحيد المتاح.
مزيج أوميجا ٣ و٦.. المكمل اللي بيتباع في كبسولات جيلاتينية.. وبينصحوك انك تاخد منه جرعتين على الاقل يوميا.. الحقيقة انت مش محتاجه لو بتاكل صح.. وانه بالجرعة العالية دي مش بس حيقلل لك التستوستيرون.. لا.
دا بيسبب انكماش دائم غير قابل للعلاج في الخصيتين.
فيتامين دال D .. اللي اتروج عبر العالم لحد دلوقتي انك لازم تاخده اقراص وحقن. انت مش محتاجله من الاساس.. طالما بتتعرض للشمس بشكل دوري لمدة بضع دقائق على الاقل.
فتحول اشعة الشمس الدهون في جسمك لفيتامين دي.
لكن لو زادت جرعته.. بيتراكم الكالسيوم والدهن في جسمك وتنهك الكليتين.. وتحاول القيام بعملها.. فبتمنح للكالسيوم المتراكم اولوية للتعامل معه.. وفي سبيل ذلك بتتخلص من التستوستيرون اولا باول.. بمعدلات كبيرة.
حتى الكحول.. قاتل التستوستيرون الاول.. قدموا لنا دراسات مزيفة، انه بنكهات معينة يرفع التستوستيرون.
النبيذ الاحمر واخد السمعة دي بسبب مستحضر خاص.. موجود في قشر العنب الاحمر اسمه ريسفيراتول Resveratrol.
والريسفيراتول بيرفع التستوستيرون بالفعل.. لكن عشان تاخده من النبيذ الأحمر بالكمية اللازمة.. فانت محتاج طن كامل من النبيذ.. او خمسة الاف كأس.. في جلسة واحدة.
الدراسة هنا مش مزيفة.. هي حقيقية.. في هنا مادة بترفع التستوستيرون.. بس حلني ان شاءالله وموت يا حمار عبال ما تمتص الكمية المطلوبة.. بينما انت من بعد كأسين.. الكحول حيخفضلك التستوستيرون بنسبة الربع.
انخفاض التستوستيرون بعد الكحول حيستمر من ٢٤ الى ٤٨ ساعة. حسب الكمية للي شربتها.. لحد ما جسمك يتخلص منه بالكامل.
متخيل لو مدمن بيشرب يوميا؟
دراسة خبيثة متلاعبة.
تخيل يومك يبقى مكون من الوجبات دي.. شكلك حيبقى ايه آخر اليوم؟
انا شفت شباب متزوج في الثلاثين والاربعين.. عايشين على الفياجرا.. لانه من غيرها ماينفعش.
شفت شباب صغيرة.. عز مستر T.. عندها تثدي.. رخوة ضعيفة مشتتة وبتشتكي من امراض رجل ضعيف تجاوز التسعين.. آلام ظهر ومفاصل وانحناء عمود فقري.. وبيسلم عليك تحس انك ماسك قبضة فتاة.. خانع جبان بيزحف على ركبتيه امام الانثى.. او بيعمل العكس ويعتدي عليها بالضرب والاهانة.. عشان يخفي ضعفه اللي هو حاسس به.
يؤسفني اعلن لك النهاردة ان تلات ارباع الرجالة بقت كده.
او اكتر.
بيخافوا من الستات وحريمهم ممشياهم.
وحريمهم هنا مش على الزوجة بس. الأم والخطيبة والبنت حتى. في بنات بتشخط في آبائها النهاردة.. وتعرض دا بمنتهى الفخر، في ريالتي شوز وبرامج ومواقع تواصل.
والرجال اعتادوا دا وعايشين به.. واتحول الرجل من رجل لعبيط خاضع اشبه بقط مستأنس.. او بيحاول يهرب من دا انه يمد ايده على الست عشان يخفي خيبته.. لانه مبقاش رجل.. ومتصور ان هو دا الطريق اللي يرجعه رجل.
الحرب على التستوستيرون موقفتش لحد هنا.
زي ما قلنا قبل كده.. مستر T قوي جدا.
وطوال الوقت بيستقبل الضربات ويقاوم.
فهنا كان من المحتم ان يدخل لك العدو بطرق اخرى.. في الحاجات اللي بيدرسها اطفالك في المدرسة.
وفي البيت.
كل أم بتعلم النهاردة اطفالها الذكور كلام يطلعهم فاقدين الرجولة.
والعدو مستمر بيحارب مستر T ويدخلك من مداخل اخرى من بينها الدين.. والصحافة و...
والقصص دي تطول فنكمل كلامنا لاحقا.
ويبقى للحديث بقية.
#LookingforMrT
#البحث_عن_التستوستيرون
-------------
- الحلقات السابقة اول تعليق.
- المراجع مع الحلقة الاخيرة.
