النهاردة مع خاتمة حلقات الدولة العثمانية.. أول تعليقين فيهم المراجع اللي الناس سألت عليها كتير، باسم الكاتب والكتاب وأرقام الصفحات.. في حواشي المراجع دي نفسها.. حتلاقي مراجع أخرى. وهكذا.
تيجي تنظر للدولة العثمانية بشكل شامل، تلاقيها أضافت للحضارة الإنسانية الكثير.. الكثير من المذابح والدم والدمار والغباء والتخلف والانحلال. اضافت أي حاجة عدلة؟ للأسف مفيش.
طيب علماء؟ طلع عالم عثماني مثلا؟ من مصر طلع كتير.. زي الفلكي وعالم الرياضيات "بن يونس"، العراق طلع كتير، زي "الكِندي" و"الحسن بن الهيثم".. من الجزيرة العربية في الجغرافي وخبير الملاحة "ابن ماجد".. غير كتير ظهروا وعاشوا في عصر دولة المماليك، زي العالم الطبيب الأردني "ابن القف".. القائمة دي طويلة وماتعدش.. علماء وفلاسفة وأطباء ومخترعين وفلكيين وكيميائيين وعلماء لغة وفقهاء...
هات واحد في عصور الاحتلال العثماني كده؟ وشوف الوضع اتدهور أزاي.. بلاش.. هات واحد.. واحد بس.. من أصول عثمانية.. واحد! مش حتلاقي.. ولو دورت في التاريخ العثماني حتلاقي خمس علماء ومخترعين.. هم "تقي الدين محمد بن معروف".. من "سوريا".. و"الأفغاني" صاحب محاولة الطيران الشراعي الناجحة "هزارفن أحمد جلبي".. ودا بعدما طار بأجنحة شراعية وعمل هبوط ناجح أمام السلطان "مراد الرابع".. قال له أن الطيران كان هبة خالصة لسيدنا "سليمان" عليه السلام.. لا تنبغي لأحد من بعده.. واللي يحاول يطير يبقى كافر...! وراح نفاه للجزائر.. ومات في السجن هناك.
الملاح والجغرافي "بيري ريس".. قرماني.. العثمانيين بعد شوية اعدموه!
في "نصوح السلاحي".. ودا كان من البوسنة.. وفي الدولة العثمانية المتأخرة كان في عبقري الإليكترونيات المهندس "حسن كامل الصباح".. من لبنان!
عساكر وقادة الجيش من ألمانيا والمجر وصربيا وأنجلترا.. العصر الذهبي للدولة العثمانية، "عصر آل كوبريللي".. كانوا من البلقان!
واحد عثماني يا جماعة الخير؟ مفيش.. بلاش طيب.. طب عالم لغة.. عالم فقه.. علماء دين زي "ابن عطاء السكندري" و"العز بن عبد السلام"؟؟ أي حاجة.. مفيش.
بلاش يا اخواننا علماء طيب.. طيب موسيقى عثمانية!! أغنية.. حد بيتقن العود زي "الفارابي".. مفيش.. ماعرفوش الموسيقى اللي بتتجاوز اللحن البدائي على الطبل الا لما خطفوا الموسيقيين مع الحرفيين من مصر.. طيب رسام عثماني.. مفيش.. كان السلاطين بيجيبوا فنانين من أوروبا ترسم لوحاتهم.
حتى تطوير المدفع السلطاني، الاختراع الرهيب اللي دكوا به أسوار القسطنطينية، كان صاحبه مجري.
حتى الأكلات الشهيرة اللي بينسبوها لنفسهم.. كانت من مصر والعراق وشبه الجزيرة.. المحشي والشركسية المملوكي والمعرفش ايه.. حتى الجبنة الأسطنبولي مش بتاعتهم.. عملها البقال الإيطالي "الأسطى نابولي" في القاهرة.. وسرقوها منه!
طيب سيبوا أثر يا جماعة.. يعني بناء مهم في دولة احتليتوها.. مستشفى.. مدرسة.. جنينة.. نافورة.. جزّامة.. غطا بلاعة.. أي حاجة طيب؟ مفيش.
طيب شاوروا لنا على حتة من اللي احتليتوها في أوروبا أو البلقان بقت مسلمة.. مش كنتم "فاتحين لنشر الإسلام وكده"؟ مفيش دولة فيها أغلبية غير مسلمة، دخلتوها وبقت بأغلبية مسلمة.. اليونان.. رومانيا.. بلغاريا.. صربيا.. أرمينيا.. قبرص.. أي حتة.. مفيش.
طيب لما أنتم حماة حمى الإسلام.. الأندلس سقطت في عصركم من غير ما تقدموا لها أي عون إزاي؟ الإنجليز دخلوا مصر في عصركم.. والفرنساويين دخلوا الجزائر وشمال إفريقية وسوريا ولبنان في عصركم.. إيطليا احتلت ليبيا.. واليهود استوطنوا فلسطين في عصركم.
حرموا الطباعة والآلة الكاتبة قرنين ونصف تقريبًا، على يد السلطان العثماني "بايزيد الثاني".. وبينما اتطبعت آلاف الكتب في أوروبا وبقت في كل بيت، والعقول اتنورت.. كنا في نير الدولة العثمانية بنكتب على جلود المعيز.. حرموا الطيران.. فرضوا رسوم عالية على الزواج ورسوم مخفضة على الدعارة.
أجدادكم راحوا اتحالفوا مع المغول ضد المصريين.. وجدكم الكبير محدش عارف أبوه مين.. لدرجة أن "تيمورلنك" نفسه، أهان "بايزيد" بنسبه المجهول.. في رسالة تاريخية رسمية.. قتلتوا بعض وذبحتوا اخواتكم وآبائكم وأمهاتكم قتلتكم وقتلتوا أمهاتكم.. وفي الآخر جيتوا تقولوا لنا "جئناكم ننشر الإسلام".. "عبد الحميد" السفاح بتاعكم باع مصر للانجليز بالفلوس.. ووطّن اليهود في فلسطين.
جاؤوا إلينا بالحرق والسلخ حيًا والخوزقة والخصي، بعدما تطور العالم وبقى بيسعى نحو التقدم والآدمية.. وبعدما كان في دول كاملة قبلهم العالم بينظر إليها كمثال للعدل، انتشر فيها الظلم، والتخلف، والظلام.. ومعهم جه الفساد واتعلم الناس الكذب والخبث والنفاق هربًا من العذاب الأليم في أقبية قصور آل عثمان.. واتمسخت هوياتهم وورثوا دا لأجيال وأجيال.
نشأ الإسلام السياسي على إيديهم، وبقت كل مذابحهم وتقنينهم للدعارة والقتل والإبادة بتصدر باسم الإله.. وعملوا لكل كارثة فتوى. فبقى عندنا دين جديد ورب جديد اخترعوه، ومع إندثارهم وسقوطهم، خرج من عباءة الدولة العثمانية، جماعات إسلام سياسي جديدة، بتتكلم عن توحيد كلمة المسلمين، وإحياء الخلافة، وعدم الاعتراف بالوطن، واعتبار الوطن هو الدين.. فمع سقوط الدولة العثمانية مباشرة، عام 1922، نشأت جماعات سرية من النوع ده.. راحت تمارس نشاطها سرًا، ولما تجمع أتباع.. تفصح عن نفسها.. وابتدت بإعلان "الإخوان المسلمين" عن نفسها بعد ست سنوات فقط من سقوط خلافة الدم العثمانية.. عام 1928.
حتى يوم ما دخلوا الحرب العالمية مادخلوهاش بوضوح كما الرجال، نقضوا عهدهم وسمحوا بمهاجمة روسيا غدرًا بغتة إرضاء لألمانيا.. وفي الآخر اتهزموا على يد الجاسوسة الصهيونية الحسناء اللي كانت بتعبث ليلًا بشارب قائد الجيش العثماني الرابع، فيلقي على مسامعها خطط الحرب كلها.
طلع أغوات الدولة العثمانية قال لك "جم مصر ينشروا الإسلام".. آه.. وعشان ينشروا الإسلام راحوا مدمرين دولة المماليك المسلمة السنية!! أنت عبيط يا بني؟
منبطحين الدولة العثمانية أحفاد الخصيان قال لك بقى "لأ أصل المماليك عملوا تحالف مع الصفويين الشيعة.. ودا يضر الإسلام والعثمانيين أنقذونا من التشيع".
نعم يا حبيبي؟ أنتوا فاكرين كل الناس بهايم زيكم مابتعرفش تقرا...؟
أولًا مفيش أي معاهدة.. معاهدة واحدة.. بين الصفويين ودولة المماليك رغم إن فارس كانت دولة حدودية مع دولة المماليك الممتدة للشام.... بينما في أكتر من 10 معاهدات متتالية بين الدولة العثمانية والصفويين، أو فارس الشيعية.. هدنة سليم (1515).. هادنهم عشان يتفرغ للمماليك...!، معاهدة أماسيا (1555)، معاهدة إسطنبول (1590)، معاهدة نصوح باشا (1612)، معاهدة سراف (1618)، معاهدة قصر شيرين (1639)، معاهدة همدان (1727)، معاهدة أحمد باشا (1732)، معاهدة اسطنبول الثانية (1736)، معاهدة كردان (1746)، معاهدة أرضروم (1823)...!
صفويين ايه؟؟ ولما هاجم العثمانيين دولة المماليك في مصر واتهزموا على يد الأشرف "قايتباي" سنة 1486، كان عشان الصفويين برضه؟؟ كان قبل ظهور الدولة الصفوية أصلًا سنة 1501، بـ15 سنة....!!
لما الدولة العثمانية في عهد "عبد الحميد الأحمر" خانت "أحمد عرابي" وأصدرت مرسوم بتكفيره عشان بيحارب الانجليز، كانت بتنشر الإسلام الإنجليزي برضه؟ وللا لما أدت ليبيا لإيطاليا كانت بتنشر الإسلام الإيطالي.. وللا إيه بالضبط؟
بتضحكوا على مين بالضبط....؟
وإيه الهدف وإيه الفكرة في إنكم تنبطحوا للدرجة دي لمحتل كاذب قذر؟
باستغرب جدًا لما ألاقي مصري، أو ليبي، أو تونسي، أو مغربي، أو جزائري، أو عربي خليجي، بيمجد في العثمانيين!! يا بني أنت أجدادك كانوا رجالة وأبطال وبذلوا دمهم عشان يتخلصوا من العثمانيين وبمنعوهم من تدنيس أرضهم.. أنت مين وبتعمل ايه.. إيه اللي بتهببه ده؟
مش عارف بصراحة، بس آمل إن الناس المخدوعة في الأشكال دي تبدأ تبحث بنفسها وتفهم.. بدل ما تنساق.. ما تصدقش كلامي.. ابحث ورا كلامي.. وأتمنى تفوق قبل فوات الأوان.
---------
- المراجع أول وثاني تعليق.
- المنشورات السابقة ثالث تعليق.
- الصور لحلاليف آل عثمان مع قبس من جرائمهم.
--------
#الخلافة_العثمانية 48